"Әжемнің сиқырлы ертегісі"

"Әсем" бөбекжай-бақшасында "Біртұтас тәрбие" бағдарламасы аясында "Әжемнің сиқырлы ертегілері" облыстық жобасы бойынша танымдық сағаттар өткізіліп өте маңызды және қызықты бастама болып табылады. Бұл жоба балалардың рухани және моральдық дамуында ерекше рөл атқарады. Балалар ертегілер арқылы қиялдарын дамытып, өздерін қоршаған әлеммен байланысты тереңірек түсінеді.

Танымдық сағаттарда ертегілердің әртүрлі жанрлары мен тақырыптары арқылы балаларға үлкендерден үйренетін құндылықтар, өмірлік сабақтар мен адамгершілік нормалары түсіндіріледі. Әжелердің сиқырлы ертегілері баланы қызықтырып қана қоймай, оларды ақылдылыққа, шыншылдыққа, адалдыққа тәрбиелейді.

Мысалы, бір ертегінің кейіпкері қорқыныштан қалай жеңіп шығатынын немесе әділеттілік үшін қалай күресетінін көрсетіп, баланың тұлғалық өсуіне ықпал етеді. Әжемнің әңгімелері — бұл тек қызықты оқиғалар ғана емес, баланың ой-өрісін кеңейтетін нағыз өмірлік сабақтар.

Осы танымдық сағаттардың тиімділігі балалардың алған білімдерін күнделікті өмірде қолдана білуінде және өз-өзін дұрыс бағалауы мен қоғамда орнын табуында көрінеді.